Khamosh Tamashae

Khamosh Tamashaai

Ramzan ul Mubarak ka maheena Rehmat o Magfirat key Parwanay or Jahannum se nijaat ki khush khabri le aya. Is Jahaanum se nijaat key ashre me zameen ka ek khitta jahannum ka manzar pesh kar raha hai. Jahan saffak khudaon ne shab key andheron ko angaaron aur sholon se roshan kardia aur logon me dar aur khof key wo dabez pardey latka dye key umeed ki koi kiran bhi unhe dobara roshan na kar sake.

Kia hota hoga gham ?

Jab ek baap apne jawan betay ko supard e khaak karta hoga?

Jab maa apne lakhta e jigar ko ruswaa hote daikhte hogi?

Kia hota hoga gham?

Jab bhai apne pore khandaan ki izzat o aabro key  aabgeene choor hote daikhta hoga?

Kia hota hoga gham us bachay ka jo aftaar me apne baap ki laash ko kafan me lipta daikh kar, apne aansso pe kar roza kholta hoga….

Afsos k aaj 4 musalmaan ek simt jab he chaltey  hain jab 5wa unke kandhon per ho.

Hamari khwaish kisi “Ramzan Transmission” ka hissa banna hi hai. Is ashre me “Jannat ul firdous”  se ziada “ Firdous Ki Lawn “ k lye dast buland hain.

Na jaane kis ghari ka intezar hai ? Kyon  lab sile hoe hain, Na jaane kis dhaat ki beeryan hamrae peron me daal den, key paon ragarte bhi nhi.

Han Facebook pe “Display Picture” change kar k shayad hum ne apna farz ada kardia. Ab to Malala ko bhi koi malamat nhi.

Aey malala kia “ White house “ ja k tmhara khoon bhi safed hogya?

Kia Palestine  me musalmaan nhi?

Kia Israaeli dehshat gard nhi?

Malala kuch to Bolo, Kuch tum hi likh do….

Humen samjhna hoga k larae aqeedon ki khud saakhta bandishon me muqeed chand insaano se nahe balke masaalik ki ranjishon ko mazhabi jang ka naam dene walon se hoge.

Larae ibadat gaahon se nahe, ibadat gahon ko qatal gahon me tabdeel karne walon se hogi.

  Hamen phir se mohaabat me doobna hoga, bughz nikaal kar quraan ko choomna hoga. Aur ye ehad karna hoga hum hi bhatke hoe the, sir pathkhte the, tjh me mojood 14 sajdon me hmara fakhar hai. Tere 7 manazil me hi hmari manzil hai.

 Aey Allah reham Farmaa de. Aamen